Ја презеде Италија како селекција која не успеа да се пласира на мундијал и ја претвори во европски првак. Роберто Манчини направи фантастична работа со „аѕурите“, на неверојатен начин ја предводеше на Европското првенство, успеа да создаде хомогена група која функционира беспрекорно како тим, влеа победнички дух и го освои трофејот.
„Знам колку им значи ова на Италијанците. Момците беа фантастични, навистина не знам што би додал на тоа. Примивме гол многу рано, но потоа доминиравме и успеавме да се вратиме во игра. На крајот, сосема заслужено го освоивме пехарот“, изјави низ солзи Роберто Манчини.
