Манчестер Јунајтед ја оствари првата победа годинaшното издание на Лигата на шампионите. Тимот на Оле Гунар Солскјер го совлада Вилјареал со 2-1 во драматична завршница, кога Кристијано Роналдо постигна победнички гол во 95.минута, на асистенција на Џеси Лингард.
Солксјер се потсети на „Ферги Тајм“ и вели дека во секој момент кога Роналдо е на теренот може да се очекува дека ќе постигне погодок.
„Ова се работите што се случуваат на „Олд Трафорд“. Игравме против многу силен противник, но на крајот, нашиот притисок даде резултат. Кога го имаш Кристијано Роналдо во својот состав, секогаш имаш можност да победиш. Тој е толку добар пред голот и влијае на сите играчи. Што се однесува до Џеси Лингард, тој е незадоволен што нема поголема минутажа, но на крајот имаше одличен потег. Но, да не заборавиме дека г имавме и одличниот Де Хеа на голот. Неговите одбрани беа исто така нногу значајни за успехот. Оваа победа е многу значајна за нас, особено по поразот во Берн во претходното коло“, изјави Оле Гунар Солскјер.
