Манчестер Јунајтед испушти важна победа против Евертон (3-3) на „Олд Трафорд“ во трката за шампионската титула во Премиер – лигата. Доминик Калверт – Луин ја скрати радоста на „ѓаволите“ со гол за израмнување во 96.минута од мечот.
Менаџерот Оле Гунар Солскјер вели дека неговиот тим прави недозволиви грешки кога има водство на натпреварот.
„Заслуживме да победиме, но ова е фудбал. Тимот мора да знае дека мора да остане цврст до крајот и да не попушта во одбраната после секој постигнат гол. Кога имаме водство, не знаеме како да се однесуваме на теренот. Мора да работиме напорно и уште многу да напредуваме. Постигнуваме голови, создаваме шанси, но и лесно му дозволуваме на противникот да не казни“, изјави Оле Гунар Солскјер.
