Снегот можеби беше непосакуван за најголем дел од фудбалските прволигаши и го поремети самиот старт на пролетната полусезона во македонското првенство, но дефинитивно добро му доаѓа на Вардар. Најтрофејниот клуб кој подготовките ги стартуваше пред три дена, сега добива една дополнителна седмица за подготовки за вториот дел од шампионатот.
Тоа многу ќе значи за шефот на стручниот штаб Никола Илиевски – Џиџи и за кондицискиот тренер Михајло Шејкероски – Шани, со оглед дека ќе имаат можност подобро да ги подготват младите фудбалери за пролетните искушенија.
По многу проблеми и перипетии, Вардар конечно почна со тренинзи во средата, а во составот останаа само неколкумина од есенскиот дел од првенството кои ќе добијат поддршка од младинците на клубот. Во првото пролетно коло вардарци на арената „Тодор Проески“ денеска требаше да го пречекаат Пелистер, а по одлуката на Натпреварувачката комисија на ФФМ сега тоа е одложено за следната недела, на 21. февруари.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski