Италијанскиот калчолигаш Јувентус сака да ја купи ѕвездата на Манчестер Јунајтед, Маркус Рашфорд. Англискиот репрезентативец игра во одлична форма во дресот на „црвените ѓаволи“, а раководството на Јуве сака да ја пронајде замената за 36-годишниот Кристијано Роналдо.
„Старата дама“ е подготвена да плати 100 милиони евра за ангажманот на Рашфорд, а спортскиот директор на Јувентус, Фабио Паратичи, веќе стапил во контакт со неговиот агент и сака на лето да го доведе во Торино.
Маркус Рашфорд има договор со Манчестер Јунајтед до 2023 година. Оваа сезона на 34 меча во дресот на Јунајтед постигна 16 гола.
