Хрватот Славен Билиќ е нов тренер на Пекинг Гуан, објави кинескиот фудбалски прволигаш. Само три седмици по отказот во Вест Бромвич Албион, Билиќ најде нов тренерски ангажман.
На тренерското место во екипата на Пекинг, хрватскиот стратег го замени Французинот Бруно Џенезио, со кого кинескиот клуб не ја продолжи соработката. Пекинг Гуан минатата сезона заврши како третопласиран во Супер – лигата на Кина.
Билиќ (52) е вториот хрватски тренер, кој зимава се пресели во Кина, откако претходно Иван Леко седна на клупата на Шангај СИПГ.
