Барселона успеа да го совлада Реал Мадрид (0-1) на „Бернабеу“ во првиот меч од полуфиналето од Купот на Шпанија, но страстите се уште не се смирени. И покрај тоа што гостинската екипа победи, сепак судијата е цел, затоа што му помагал на Реал.
Едер Милитао си постигна автогол, а беше во фокусот и во разговорот со судијата Мунуера Монтеро кој му призна дека требало да го исклучи Винисиус Жуниор.
Во 24. минута Винисиус Жуниор имаше дуел на средината на теренот со Френки де Јонг, играчот од средниот ред на Барселона. Бразилецот го фати за врат и го собори на земја.
Судијата Монтеро му додели жолт картон на Бразилецот. Следуваа жестоки протести, а со судијата разговараше и Едер Милитао.
Според „Марка“, за да го смири Милитао, Мунуера му го кажал следново: „Едер, слушај ме. Црвен е, добро? Црвен е, го фати за врат и го фрли на земја”.
Видеото беше споделено на социјалните мрежи, при што навивачите на Барселона беа револтирани поради тоа што судијата наводно признал дека требало да го исклучи Винисиус.
