Напаѓачот на Манчестер Сити, Ерлинг Халанд, нема да игра ниту на последниот натпревар на англискиот шампион за 2023 година. „Граѓаните“ го пречекуваат Шефилд Јунајтед, а менаџерот Пеп Гвардиола откри дека тој сѐ уште не е во тренажен ритам со останатиот дел од тимот.
„Ерлинг се чувствува добро, но нема ниту еден тренинг со тимот. Се надевам дека ќе се врати на почетокот на јануари“, изјави Пеп Гвардиола.
Халанд се повреди на 6. декември и нема настапи речиси цел месец.
Оваа сезона Норвежанецот постигна 19 гола и забележа пет асистенции на 22 меча за Манчестер Сити.
