Ерлинг Халанд ќе го продолжи својот престој во Манчестер Сити за следните десет години, со што ќе остане на „Етихад“ до 2034 година. Оваа ексклузивна вест пристигнува од Манчестер, каде што раководството на „граѓаните“ успеа да го убеди одличниот норвешки напаѓач да ја продолжи својата кариера во клубот.
Со новиот договор, Халанд ќе биде централна фигура на новата ера на Манчестер Сити. Договорот е опишан како еден од најпрофитабилните во историјата на спортот, иако финансиските детали сè уште не се официјално објавени.
Халанд, кој веќе им помогна на Сити да освојат две титули во Премиер лигата и беше клучен играч во тројната круна во 2023 година, покажува голема посветеност кон клубот, што дополнително ја зацврстува неговата улога како лидер на тимот.
Реал Мадрид, кој често ги привлекува најголемите имиња во фудбалот, се поврзуваше со можен трансфер на Халанд. Сепак, со новиот договор, Норвежанецот станува недостижен за шпанскиот гигант, откако изрази јасна желба да остане долг период во Манчестер Сити.
