Новиот италијански првак Интер се соочува со големи проблеми веднаш по освојување на „скудетото“. Финансиите го мачат раководството на „нероаѕурите“, ќе мора да продаваат дел од фудбалерите, а поради тоа и Антонио Конте најверојатно ќе замине од „Џузепе Меаца“.
Но, сепак, Интер по најавеното заминување на Конте веќе контактирал неколку тренери кои би можеле да пристигнат во Милано и да седнат на клупата на стартот од новата сезона. Најголема желба на челниците е Масимилијано Алегри, но и тој не се вклопува во новата финансиска структура, па затоа контактиран е Симоне Инзаги, актуелниот тренер на Лацио.
Директорите на Интер се обидуваат да дојдат до информација дали Симоне Инзаги е заинтересиран да го замени Рим со Милано и да го предводи тимот на „нероаѕурите“ во новата сезона.
