Ииталијанскиот првак Интер со многу промени ја очекува новата сезона во Серија А во која ќе ја брани шампионската титула. Замина Антонио Конте, клубот го продаде Ашраф Хакими, а новиот стратег Симоне Инзаги се обидува да го скрои тимот по свој вкус.
Најголемата „дупка“, според него, е на левата бековска позиција. Токму затоа Симоне Инзаги инсистира на „Џузепе Меаца“ да биде доведен Маркос Алонсо, шпанскиот интернационалец кој е на излезна врата од Челси.
За него, Интер е подготвен да плати 20 милиони евра. Се уште траат преговорите и со Арсенал за десниот бек Хектор Белерин. Тој би пристигнал во Милано за 15 милиони евра.
