Швајцарскиот фудбалер Гранит Џака вчера го напушти натпреварот на Арсенал против Вулверхемптон по само 16 минути. Тој беше заменет од Фабио Виеира, а се пожали на изнемоштеност.
Микел Артета веднаш реагираше, а замената ги загрижи Швајцарците, со оглед дека Гранит Џака е еден од носителите на нивната репрезентација која ќе настапува Светското првенство.
Сепак, Микел Артета откри дека се работи за стомачен вирус.
„Не се чувствуваше добро. Имаме неколку фудбалери со стомачни проблеми. Мило ми е што се прилагодивме на ситуацијата и ги добивме мечот“, изјави Артета.
Швајцарија првиот натпревар на Светското првенство го игра против Камерун на 24 ноември.
