Зоран Штерјовски ќе го наследи Дарко Крстески на клупата на битолскиот второлигаш Пелистер. По поразот од Вардар Форино дојде до промена на тренерската позиција под „Тумбе Кафе“.
Штерјовски ќе дебитира на мечот од Купот на Македонија в среда против Работнички во Скопје, а негов асистент ќе биде Димитар Капинковски.
Интересно е дека дојде до промена на тренерската позиција иако Пелистер е на првата позиција на табелата во Втората лига Запад со 20 бода, два повеќе од Лабуништа и три од Велазерими.
