![](https://makfudbal.mk/wp-content/uploads/2023/10/luis-rubijales-baknez.jpg)
Шпанското обвинителство бара поранешниот претседател на Фудбалската федерација, Луис Рубијалес, да биде осуден на две и пол години затвор, откако без дозвола го бакнал шпанскиот репрезентативец на подиумот по освојувањето на Светското првенство.
Рубијалес е обвинет за сексуален напад и принуда бидејќи во август во Сиднеј ја бакнал во уста фудбалерката Џени Хермосо без дозвола. Хермосо и нејзините соиграчи рекоа дека бакнежот бил несакан и понижувачки.
Тој ги отфрли обвинувањата и беше принуден да поднесе оставка по скандалот, поради кој Меѓународната фудбалска федерација (ФИФА) го суспендираше на три години до крајот на Светското првенство во 2026 година.
Како што објави „Би-Би-Си“, обвинителката Марта Дурантес го обвини Рубијалес за една точка за сексуален напад и една точка за принуда, кривични дела за кои е предвидена казна од една година и една и пол година затвор.
Таа ги обвини поранешниот селектор на женската репрезентација на Шпанија, Хорхе Вилда, спортскиот директор на репрезентацијата Алберто Лике и директорот за маркетинг на конфедерацијата Рубен Ривера дека ја принудиле Хермосо да каже дека бакнежот бил консензуален.
Тие пред судот го негираа обвинението, а доколку бидат осудени може да добијат по 18 месеци затвор.
Дурантес бара сите четворица да и платат отштета од 100.000 евра на Хермосо, а Рубијалес да плати најмалку половина од сумата. Таа побарала и забрана за приближување до фудбалерката на 200 метри и забрана за комуникација во следните седум и пол години.
Освен за принудниот бакнеж, Рубијалес беше критикуван и за непримерно однесување за време и по натпреварот, откако се фати за препоните додека ја славеше победата, во присуство на кралицата Летиција и нејзината ќерка, принцезата Софија.
![](https://makfudbal.mk/wp-content/uploads/2021/02/logo.jpg)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
Ексклузивна колумна на Филип Лам: Фудбалот е богатство, различност, демократија, и може да ве направи бесмртен
ФУДБАЛОТ Е ЕВРОПСКА ИГРА Фудбал се игра насекаде низ светот, но Европа со сигурност...
Автор makfudbal
![](https://makfudbal.mk/wp-content/uploads/2024/04/kieza-juventus-3-80x80.jpg)
Евро-фудбал
Федерико Киеза пред трансфер во Тотенхем
![](https://makfudbal.mk/wp-content/uploads/2024/07/FB_IMG_1721988025736-80x80.jpg)
Интернационалци
Христијан Георгиевски се пресели во Словенија
![](https://makfudbal.mk/wp-content/uploads/2024/07/mikel-merino-spanija-80x80.jpg)
Евро-фудбал
Арсенал тргнува по Микел Мерино
![](https://makfudbal.mk/wp-content/uploads/2024/07/FB_IMG_1721988025736-80x80.jpg)
Интернационалци
Христијан Георгиевски се пресели во Словенија
![](https://makfudbal.mk/wp-content/uploads/2024/07/FB_IMG_1721922436581-80x80.jpg)