Италијанскиот калчолигаш Милан нема да биде во најдобар состав на вечерашниот меч против Рома. Ќе биде ослабен на голманската позиција со оглед дека првиот чувар на мрежата е позитивен на Covid-19. На најновото тестирање Донарума покажал позитивен тест и веднаш е ставен во изолација, како и Јенс Петер Хауге, но и тројца членови од помошниот персонал во тимот.
„Милан ја информира јавноста дека во нашиот тим се појавија нови позитивни лица на Covid-19. Се работи за Џанлуиџи Донарума, Јенс Петер Хауге и уште тројца членови на персоналот. Сите останати се негативни“, се вели во соопштението на Милан.
