Менаџерот на Ливерпул, Јирген Клоп, објави дека ќе ја напушти функцијата на крајот од сезоната. Германецот ја објасни својата одлука со фактот дека тој повеќе нема енергија да продолжи да го води тимот.
56-годишниот Клоп има договор со „црвените” до летото 2026 година, но призна дека во ноември минатата година ја донел одлуката што ја објави денеска.
„Едноставно морам. Мислам дека веќе ја немам онаа потребна енергија за да се соочувам со сите предизвици“, изјави Клоп.
Стратегот беше назначен на оваа функција на 8 октомври 2015 година и за осум и пол години на „Енфилд“ донесе шест значајни трофеи во клубот.
Помошниците на Клоп, Пеп Линдерс и Питер Кравиец, исто така, ќе заминат од позициите на крајот од сезоната, а првиот планира да започне сопствена кариера како менаџер.
