Унгарскиот интернационалец Доминик Шобошлаи потпиша договор со Ливерпул. Договорот е за период од пет години и не вклучува откупна клаузула.
Шобошлаи вчера пристигна во Англија и успешно ги помина медицинските тестови.
Претходно клубот од „Енфилд“ го информираше Лајпциг дека ќе ја плати клаузулата во договорот на играчот од средниот ред вредна 70 милиони евра.
Шобошлаи (22) имаше одлична сезона во Бундес-лигата, постигнувајќи шест гола и осум асистенции. Со Лајпциг втора година по ред го освои и Купот на Германија.
Унгарецот е второто ново засилување на Ливерпул по Алексис Мекалистер.
