Македонскиот првак Шкупи по првото реми во новата сезона остана без шефот на стручниот штаб. Гоце Седлоски поднесе оставка откако Шкупи одигра 1-1 против Победа на Чаир, а раководството одлучи да ја прифати.
„Благодариме Гоце. Нашиот клуб ја информира јавноста дека раководството ја прифати оставката на Гоце Седлоски. Му благодариме за придонесот во освојувањето на шампионската титула по 21 година и му посакуваме среќа во следните предизвици“, објавија од Шкупи.
