Шкендија загуби од Партизани Тирана

Македонскиот прволигаш Шкендија доживеа пораз (1-2) од Партизани Тирана на пријателскиот натпревар во Поградец. Тоа беше генерална проверка за тимот на Јетон Беќири пред настапите против Ноа во квалификациите за Конференциската лига. Ова беше петти тест за Шкендија и втор пораз во текот на летните подготовки.

Красниќи во втората минута донесе водство за Шкендија на овој меч, а израмни Рап во 31.минута.

Партизани Тирана направи целосен пресврт со голот на Кеко во 70. минута.