Шкендија со пресврт го совлада Пелистер во Битола со 1-3 и создаде уште поубедлива предност на табелата пред конкурентите. Во прилог на тетовци им оди поразот на Шкупи во Струга од 2-0.
Пелистер поведе во петтата минута. Танушев од пенал погоди за 1-0, но до крајот на мечот сепак Шкендија обезбеди триумф од 1-3. Валон Ахмеди од слободен удар постигна прекрасен гол во 23.минута, Љупчо Дориев во 69.минута се погрижи за пресврт со прецизен шут од 20 метри, а Бесарт Ибраими од пенал ја запечати победата во 86.минута.
Шкупи загуби од Струга Трим Лум со 2-0. Двоен стрелец на овој меч беше Нијас Лена. Тимот на Срѓан Захариевски го надигра гостинот од Чаир и заслужено стигна до трите бода.
Академија Пандев со 1-0 го совлада Силекс. Стрелец на голот беше Кире Маркоски од пенал, во 90.минута од натпреварот. Со овој триумф, струмичкиот тим полека излегува од кризата.
Вардар стигна до победа од 3-1 против Беласица. Вардарци експресно обезбедија предност од 2-0 со головите на Мартин Мирчевски во 6. и на Милован Петровиќ во 16.минута.
Робсон да Силва ја погоди стативата од голот на Филип Илиќ, а тоа беше најава за погодокот што го постигна во второто полувреме. Во 55.минута, со одличен шут од 25 метри, Да Силва намали на 2-1. Но, Вардар сепак не дозволи да испушти бодови, Филип Петковски во 79.минута постигна трет гол за „црвено-црните“.
Македонија ЃП со 1-3 ја совлада Ренова во Тетово. Филип Петров во 11.минута донесе водство за „лавовите“, а Сефер Емини од пенал во 42.минута зголеми на 0-2. Ѓорчепетровци останаа со играч помалку во 77.минута по исклучувањето на Фернандо, Алуш Гавазај намали на 1-2 во 90.минута, но, сепак, Арди Воша во судиското продолжение го постави конечниот резултат, 1-3.
ПРВА ЛИГА, 7.КОЛО – РЕЗУЛТАТИ
ПЕЛИСТЕР – ШКЕНДИЈА 1-3
ВАРДАР – БЕЛАСИЦА 3-1
РЕНОВА – МАКЕДОНИЈА ЃП 1-3
СТРУГА ТЛ – ШКУПИ 2-0
АКАДЕМИЈА ПАНДЕВ – СИЛЕКС 1-0
ВЧЕРА: БОРЕЦ – РАБОТНИЧКИ 0-0
Табела: Шкендија 17, Шкупи 13, Македонија ЃП 13, Борец 12, Струга ТЛ 11, Силекс 10, Работнички 10, Пелистер 9, Академија Пандев 6, Ренова 5, Беласица 0.
