Шкендија се збогува со Егзон Бејтулаи, Дориев се сели во Узбекистан

Македонскиот репрезентативец Егзон Бејтулаи нема да го носи дресот на Шкендија во новата сезона, објави клубот. Неговиот договор истече на 15 јуни, а двете страни не се договорија за продолжување на соработката.

Бејтулаи ја носеше капитенската лента, одигра 304 натпревари во дресот на Шкендија, освои три шампионски титули и два куп-трофеи во дресот на овој клуб.

Дефанзивецот е пред трансфер во Тирана, во првенството на Албанија.

Од Шкендија заминува и напаѓачот Љупчо Дориев, кој кариерата ќе ја продолжи во Узбекистан, во тимот на Согдиана.