Шкендија со победа над Либерец (1-0) ги заврши зимските подготовки во Анталија. Стрелец на победничкиот гол за составот на Ернест Ѓока беше Бесарт Ибраими во 55.минута.
Македонскиот тим покажа дека е подготвен за вториот дел од сезоната во македонскиот шампионат. Арменд Алими ја имаше најубавата шанса во првиот дел, шутираше со глава во 15.минута, но противничкиот голман успеа да одбрани. Во второто полувреме, Бесарт Ибраими донесе водство за Шкендија, со одличен удар од 15 метри.
Тренерот на Шкендија, Ернест Ѓока, мечот го започна со следниот состав: Захов, Мурати, Далку, Кривак, Мици, Алими, Тотре, Ахмери, Имери, А. Ибраими, Б. Ибраими.
Шкендија во првото пролетно коло ќе му гостува на тимот на Академија Пандев на 16.февруари.
