Шкендија го врати Ардијан Цуцули

Македонскиот прволигаш Шкендија од денеска е посилен за поранешниот репрезентативец Ардијан Цуцули. Тој потпиша едногодишен договор и се врати во клубот со кој имаше многу успеси во минатото. Цуцули досега настапуваше за косовскиот тим Дрита.

Со Цуцули, Шкендија решава голем проблем во одбраната, добива на искуство и квалитет во трката за шампионската титула.

Цуцули во минатото освои пет трофеи со Шкендија, два шампионски пехари, два куп-пехари и еден Суперкуп.