Шкендија го позајми Нафиу во Кошице

Шкендија донесе одлука да го позајми напаѓачот Валмир Нафиу во словачкиот тим Кошице до крајот на сезоната.

Договорот меѓу Шкендија и Кошице е играчот да остане таму до 14 јуни.

Оваа сезона Кошице се натпреварува во второлигашка конкуренција и има амбиции да се врати во елитата.

Нафиу беше во Шкендија од 2018 година, а претходно играше уште за Ренова, како и за Скендербег (Албанија), АПОЕЛ (Кипар), Хамбургер (Германија) и за Базел (Швајцарија).