Актуелниот првак Шкендија му даде отказ на досегашниот тренер Ќатип Османи. По лошиот старт на сезоната во Првата лига и последната позиција на која се наоѓа во моментот, но и лошиот настап на Шкендија на европска сцена, раководството на Шкендија реши да се раздели со Османи, и покрај неговото шампионско минато со клубот.
„ФК Шкендија објавува прекин на соработката со стручниот штаб. Анализирајќи ги актуелните состојби и негативните резултати во изминатиот период, менаџментот на клубот одлучи да го отпушти стручниот штаб предводен од Ќатип Османи. Шкендија му благодари на Ќатип Османи за историските постигнувања во изминатите години и му посакува се најдобро во иднина. До именување на нов шеф на стручниот штаб, со тимот ќе раководи Ерхан Селими“, се вели во известувањето од ФК Шкендија.
Шкендија по четири одиграни кола во првенството на Македонија има само еден освоен бод и се наоѓа на последната позиција на табелата.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski