Connect with us

Шкендија го елиминира Вардар од Купот, Брегалница мина понатаму, Работнички убедлив

Шкендија го совлада Вардар со 1-0 во Тетово и се пласира во четвртфиналето на Купот на Македонија. На реваншот во Тетово, Агим Ибраими беше човек на одлука во 74.минута од натпреварот, а овој триумф беше доволен за актуелниот првак да се пласира меѓу осумте најдобри екипи во националниот Куп, откако првиот меч во Скопје заврши 2-2. 

Работнички беше убедлив и со 4-0 го совлада Пелистер пласирајќи се во четвртфиналната рунда. Себастијан Херера погоди од пенал во првото полувреме, Иван Марковиќ беше стрелец на вториот гол за „романтичарите“, Стефан Јевтоски го постигна третиот погодок, а Давид Тошевски од белата точка го постави конечниот епилог.

Брегалница ја елеиминира Македонија ЃП. На реваншот во Ѓорче Петров одигра без голови, чувајќи ја минималната предност (1-0) од првиот дуел во Штип. 

Шкупи ремизираше во Кратово (1-1) против Силекс и поради гол постигнат во гости продолжува понатаму во најмасовното натпреварување. Марин Јурина беше стрелец на голот за Шкупи во 72.минута, откако во првиот дел кратовци во предност ги доведе дарко Додев со прекрасен удар од 30 метри. 

Академија Пандев и вторпат убедливо го совлада Осогово, со 1-4. Струга Трим Лум го победи Борец со 1-0 и обезбеди пласман во следната фаза. Во четвртфиналето е и Лабуништа, која и вторпат славеше против Охрид, овојпат со 2-3. 
       

КУП, 1/8 ФИНАЛЕ – РЕВАНШИ 

ШКЕНДИЈА – ВАРДАР 1-0 (2-2)

МАКЕДОНИЈА ЃП – БРЕГАЛНИЦА 0-0 (0-1)

РАБОТНИЧКИ – ПЕЛИСТЕР 4-0 (1-1)

СИЛЕКС – ШКУПИ 1-1 (0-0)

ОСОГОВО – АКАДЕМИЈА ПАНДЕВ 1-4 (0-3)

СТРУГА ТРИМ ЛУМ – БОРЕЦ 1-0 (0-0)

ОХРИД – ЛАБУНИШТА 2-3 (0-2)    

Во заграда се резултатите од првите мечеви 

Advertisement
Advertisement
Advertisement

Facebook

Тимови