Македонскиот шампион Шкендија ги дефинираше четирите пријателски натпревари за време на подготовките во Анталија.
Тетовци во турскиот туристички центар ќе бидат од 23. јануари до 8. февруари, а веќе се знаат и имињата на четирите противници.
Тимот на Ернест Ѓока со пријателски дуели ќе почне на 26. јануари против словачкиот Серед, потоа на 30. јануари ќе следи дуелот со МФК Карвина од Чешка, а на 4. февруари е закажан дуелот со Рандерс од Данска. На 7. февруари е последниот пријателски натпревар против Слован Либерец од Чешка.
