Фудбалерот на македонскиот второлигаш Беса, Шериф Реџепи, имал сообраќајна несреќа кај Жеровјане, откако излетал од патот со возило Голф. Тој е пренесен во болница, но се наоѓа во стабилна здравствена состојба, информираат од клубот.
Шериф Реџепи е еден од најдобрите фудбалери на Беса, настапи и на вчерашниот дуел против Вардар. Тој сигурно ќе го пропушти последното есенско коло против Воска, а сите се надеваат дека ќе се опорави брзо и дека ќе продолжи со фудбалската кариера.
