Шкендија одигра (1-1) на гостувањето во Шведска против АИК Стокхолм и сега се враќа во Скопје со надеж дека на домашен терен ќе успее да слави триумф и да обезбеди пласман во плејофот за влез во групите од Конференциската лига на УЕФА.
Тренерот Артим Шаќири е задоволен од изданието на тимот, вели дека ремито е заслужено, а шансите за пласман се подеднакви за двете екипи.
„Шансите и понатаму се 50-50. Не очекува тежок натпревар и на реваншот во Скопје, АИК докажа дека е квалитетен тим, но ние ова реми апсолутно го заслуживме. На вториот натпревар ќе ја имаме поддршката од публиката и се надевам дека тоа ќе не води кон триумф“, изјави Артим Шаќири.
