Украинскиот фудбалски клуб Шахтјор Доњецк одлучи да се раздели со тренерот Роберто Де Зерби. Италијанскиот стручњак го презеде тимот во мај 2021 година.
Тимот нема одиграно официјални натпревари од 18 февруари поради руската инвазија на Украина. Двете страни одлучија да се разделат со заедничка согласност.
Шахтјор му се заблагодари на Де Зерби, кој успеа да победи на 20 од 30-те одиграни натпревари на тимот, исто така се квалификуваше во групите од Лигата на шампионите, елиминирајќи го фаворитот Монако.
Тренерот претходно ги водеше Фоџа, Палермо, Беневенто и Сасуоло во својата татковина.
