Македонскиот фудбалски репрезентативец Аријан Адеми заработил сериозна повреда на стапалото на вчерашниот натпревар против Локомотива во хрватското првенство. Тамошните медиуми информираат дека Адеми можеби има и скршеница.
Одличниот играч за врска има голем оток на стапалото и во текот на денешниот ден ќе ги мине деталните лекарски прегледи по што ќе биде утврдено за каква повреда станува збор.
Надежите се дека Адеми нема да биде сериозно повреден, со оглед дека е еден од главните адути на Македонија за Европското првенство.
