Италијанскиот калчолигаш Интер со триумфот над Аталанта направи голем чекор кон освојување на титулата во Серија А, но во наредното коло ќе биде без тренерот Антонио Конте. За дуелот со Торино, Антонио Конте е суспендиран поради непримерното однесување против Аталанта.
Дисциплинската комисија на Серија А оцени дека тренерот на Интер неспортски се однесувал. „Нероаѕурите“ имаат шест бода предност во однос на Милан на врвот на табелата во италијанскиот шампионат.
