Реал Мадрид има огромни проблеми со повредите, а поради тоа можен е и сензационален камбек на Серхио Рамос на „Сантијаго Бернабеу“.
Според „Мундо Депортиво“, претседателот на Реал Мадрид, Флорентино Перез, ја разгледува можноста да ја врати во клубот легендата Серхио Рамос, кој во моментов е слободен играч.
Со оглед на повредите и неизвесноста во одбраната, ова би можело да биде итен потег на Перез за да се стабилизира тимот и да се задржи натпреварувачката форма во тешката и напорна сезона.
Рамос одигра 16 сезони за Реал Мадрид и освои сè што може да се освои со овој клуб, а пред три години го напушти „Бернабеу“ и се пресели во ПСЖ. По двегодишниот престој во Париз, се врати во Севилја, а сега, по завршувањето на неговиот договор, повторно е без клуб.
