Досегашниот капитен на Барселона, Серхи Роберто, би можел наскоро да потпише за Ајакс. Холандскиот гигант покажал најголем интерес за Серхи Роберто, кој по истекот на договорот на 30. јуни е слободен играч на пазарот.
Серхи Роберто речиси еден месец чекаше нова рунда преговори, давајќи приоритет на Барселона до неодамна, но одлучил да ги слушне и останатите понуди, а Ајакс моментално е најконкретен.
Досега имаше понуди од Саудиска Арабија и од Америка, се споменуваа Севилја и Валенсија, но Серхи Роберто ја чекаше вистинската понуда и тоа веројатно е преселба во Амстердам.
