Ништо без сер Алекс. Легендарниот менаџер на Манчестер Јунајтед, сер Алекс Фергусон, отпатува како специјален гостин на тимот на финалето од Лигата на Европа во Гдањск. „Црвените ѓаволи“ го посакуваат трофејот, за ривал ќе го имаат шпанскиот претставник Вилјареал, а искуството на Ферги секако е од непроценливо значење.
Тој може да им даде одлични лекции на менаџерот Оле Гунар Солскјер и на фудбалерите на Манчестер Јунајтед како да стигнат до пехарот.
