Не може без проблеми кога е Македонија во прашање. Радосна е веста дека Елиф Елмас ќе пристигне на собирот на националниот тим откако Наполи му даде дозвола за настап во репрезентативниот дрес, но сега неизвесно е доаѓањето на Аријан Адеми.
Капитенот на Динамо Загреб почувствувал болки во бутниот мускул и не го одигра денешниот меч против Истра во хрватското првенство. Тој во текот на утрешниот ден ќе мине детални лекарски прегледи, по што ќе биде јасно дали е подготвен за игра. Тогаш ќе се знае и дали воопшто ќе допатува во Скопје на собирот на националниот тим.
Македонија на 12 ноември во Тбилиси го игра историскиот финален меч од Лигата на нации за пласман на Европското првенство.
