Каде е онаа Македонија која ги победи Германците во Дуисбург, се прашуваат фановите. Чувството на гордост дека сме учесници на Европското превнство не не напушта ниту за миг, но сакаме и да оставиме некој поубав белег. По двата порази, од Австрија (3-1) и од Украина (2-1), има ли поубав мегдан од „Јохан Кројф арена“ и дуелот со големата Холандија.
На 21 јуни Македонија ќе го заокружи настапот на Европското првенство. И двата порази не треба да внесат немир и лоша атмосфера. Сега е време Македонија да се крене. Мотивите се огромни, понекогаш желбите се и поголеми од можностите. Но, кога духот е победнички тогаш и чудата се можни.
