Шефот на Саудиската Про лига, Омар Мугарбел, изрази уверување дека бразилскиот фудбалер од Реал Мадрид, Винисиус Жуниор, ќе се приклучи на некој од клубовите во Саудиска Арабија.
Во изјава за „Марка“, Мугарбел рече дека е само прашање на време кога ќе започнат преговорите за негов трансфер.
„Ние не сонуваме, тоа е прашање на време“, истакна тој.
Саудијците минатиот ноември му понудија на Винисиус неверојатни пет милијарди евра.
Доколку се реализира овој договор, Винисиус Жуниор би станал најплатениот фудбалер во историјата. Во моментов, највисоката плата ја има Кристијано Роналдо (39), кој во Ал-Наср заработува 263 милиони евра годишно.
Според „ФутМеркато“, Винисиус би потпишал петгодишен договор вреден милијарда евра по сезона, што е невиден износ во светот на фудбалот.
