Напаѓачот на Манчестер Јунајтед, Џејдон Санчо, е суспендиран поради недисциплина и отстранет од првиот тим. Ова го потврди клубот, со напомена дека фудбалерот ќе продолжи да тренира индивидуално.
„Џејдон Санчо ќе остане на лична тренинг програма далеку од првиот тим, во очекување на решавање на проблем со дисциплината во тимот“, се вели во соопштението на Манчестер Јунајтед.
Санчо јавно искажа незадоволство и му контрираше на Ерик Тен Хаг откако тој не го вклучи во составот против Арсенал.
