Челси и Манчестер Сити би можеле да бидат исфрлени од англиската Премиер – лига доколку бидат прогласени за виновни за кршење на финансискиот фер-плеј, објави таблоидот „Сан“.
Според изворот, независна комисија ќе започне да го разгледува случајот со Челси оваа есен.
Клубот сè уште не е обвинет, но минатото лето беа откриени финансиски неправилности под водство на Роман Абрамович, во кои плаќањата на агентите беа направени од сметки кои не се пријавени од клубот.
Што се однесува до Манчестер Сити, во февруари 2023 година клубот беше обвинет за 115 прекршувања на правилата за финансиски фер-плеј.
Со оглед на обемот на прекршоците, клубовите би можеле да се соочат со таква санкција (ако бидат прогласени за виновни) како исклучување од Премиер – лигата.
Премиер – лигата последно донесе одлука да му одземе четири бода на Нотингем Форест поради прекршување на финансиските правила.
