Сампдорија успеа да слави во градското дерби против Џенова со 1-0. Ривалот имаше можност да израмни во 96.минута од пенал, но Деменико Кришчито не успеа да го реализира.
Стрелец на победничкиот гол за Сампдорија на овој градски дуел беше Абделхамид Сабири во 25.минута.
Сампдорија со овој триумф е на чекор до опстанок, додека Џенова е во многу тешка позиција, на претпоследното место на табелата во Серија А.
