Баерн Минхен ремизираше на гости против Унион Берлин (1-1). Тимот на Ханси Флик не успеа да наметне свој ритам, па домаќинот поведе во раната фаза од мечот со погодокот на Гриша Промел во четвртата минута.
Баерн Минхен долго се обидуваше да израмни, Унион Берлин умешно се бранеше, но бедемот го проби Роберт Левандовски во 67.минута. До крајот, баварскиот клуб притискаше и за триумф, но не успеа вторпат да ја затресе мрежата на Унион Берлин.
Баерн Минхен и Лајпциг со по 24 бода се наоѓаат на врвот на табелата во Бундес-лигата, а Баер Леверкузен има 22, но и еден меч помалку.
