Напаѓачот на Ливерпул, Мохамед Салах, кој го постигна првиот гол во триумфот над Евертон од 2-0, откри за што разговарале во соблекувалната пред дербито на Мерсисајд.
Играчите се обединети дека треба да уживаат во својот фудбал за да наликуваат на „стариот“ Ливерпул кој постигна толку многу во последните шест години.
„Ова е голема, огромна победа за нас. Едвај чекавме да дојде овој натпревар и да ги промени работите. Се надеваме дека ова е само почеток. Имавме малку среќа, но среќата доаѓа кога работите напорно. Нашите капитени Хендерсон и Милнер разговараа со нас минатата недела. Тие ни рекоа „момци, мора да уживаме во нашиот фудбал. Заедно сме шест години и имаме нови играчи кои се добри, така што нема логика да играме како што почнавме”. Мислам дека успеавме да одиграме добро, како стариот Ливерпул“, изјави Салах.
