Ако им се верува на речиси сите медиуми во Саудиска Арабија, Мохамед Салах ќе стане нов играч на Ал-Итихад. Тие пренесуваат дека саудискиот клуб му испратил на Ливерпул понуда од нереални 175.000.000 евра за Египќанецот кој има 31 година.
Салах е најдобриот играч на тимот од „Енфилд“, но ваквите понуди тешко се одбиваат.
Салах нема ништо против да замине, бидејќи во својот нов клуб би имал месечна плата од околу 19.000.000 евра колку што е неговата годишна плата во Ливерпул.
Саудијците пишуваат дека Египќанецот треба да пристигне во Џеда со приватен авион, но останува да се види што ќе каже Јирген Клоп, кој не сакаше да се откаже од главниот играч на тимот.
Ал-Итихад е актуелен шампион на Саудиска Арабија, а за него играат Карим Бензема, Н’Голо Канте и Фабињо, кој до неодамна беше соиграч на Салах во Ливерпул.
