Формирањето на Европската Суперлига го потресе фудбалскиот свет, а во неа не е вклучен германскиот првак Баерн Минхен. Карл – Хајнц Румениге смета дека Лигата на шампионите е вистинското натпреварување за развојот на европскиот фудбал.
„Баерн Минхен не учествуваше во формирањето на Суперлигата, ниту пак некогаш сме биле заговарачи на таква идеја. Напротив, ние сметаме дека Лигата на шампионите е вистинското натпреварување за развојот на европскиот фудбал и го поздравуваме најновиот чекор за нов формат на елитното натпреварување“, изјави Карл – Хајнц Румениге.
