Дефанзивецот на Реал Мадрид, Антонио Рудигер, има шанса да се врати на Ел Класико претстојниот викенд. Централниот дефанзивец беше во стартниот состав во вторникот кога „кралевите“ ремизираа (1-1) против Шахтјор Доњецк во Лигата на шампионите.
Тој го постигна израмнувачкиот гол во последните мигови, но имаше жесток судир со голманот на украинскиот тим, Анатоли Трубин.
Тоа доведе до сериозна траума за Германецот, кој мораше да добие лекарска помош неколку минути, а потоа и 20 конци во соблекувалната.
