Претседателот на Комитетот за судии на УЕФА, Роберто Росети, зборуваше за спорниот момент при досудениот пенал за Рахим Стерлинг во полуфиналето на ЕВРО 2020 меѓу Англија и Данска.
„Можеме да разговараме за овој момент затоа што сме апсолутно отворени. Но, пеналот беше досуден правилно. Судијата го виде контактот, а системот на видео асистент на судијата само ја потврди неговата одлука. Дефанзивецот на Данска не ја допре топката, но имаше чист контакт со напаѓачот“, истакна Росети.
Натпреварот помеѓу Англија и Данска го судеше судиска четворка предводена од Дани Макели. Англија со голот од пенал по продолженија славеше со 2-1 и се пласира во финалето на ЕВРО 2020.
