Бразилецот Роналдо искажа пофални зборови за работата на тренерот на Реал Мадрид, Зинедин Зидан. Вели дека Зизу е најдобриот фудбалер со кој настапувал во текот на кариерата, а можеби сега е уште подобар и во тренерскиот занает.
„Зидан е дефинитивно најдобриот фудбалер со кој сум играл во кариерата. Беше едноставно волшебник со топката, да ти е мерак да го гледаш. Сега стана тренер и освои три последовни титули во Лигата на шампионите. Дали Зидан е подобар како играч или како тренер? Е, тоа не би можел со сигурност да одоговорам“, изјави Роналдо, потенцирајќи дека за него морало да се најде место и во „дрим-тимот“ од соништата што го објави „Франс Фудбал“.
