Португалскиот ас Кристијано Роналдо со два гола учествуваше во триумфот (4-1) на Јувентус против Удинезе и го надмина легендарниот Пеле. Тој сега има 758 официјални голови, еден повеќе од Пеле, но со многу поголем број одиграни натпревари во кариерата.
Роналдо го отвори резултатот во 31. минута, а потоа го надмина Пеле со вториот погодок во 70.минута. Федерико Киеза беше стрелец во 49.минута за „старата дама“. Во финишот, Удинезе намали со голот на Марвин Зегелар, а Пауло Дибала го постави конечниот епилог.
Македонскиот репрезентативец Илија Несторовски одигра дваесетина минути на овој меч. Тој влезе на местото на Кевин Ласања.
