Кристијано Роналдо продолжува да игра клучна улога во привлекувањето на големи фудбалски имиња во саудиската Професионална лига. Откако веќе го убеди својот сонародник Жоао Феликс да му се приклучи во Ал-Наср, Португалецот сега испратил нова, звучна трансфер-порака.
40-годишната фудбалска икона побарала од својот клуб да го ангажира напаѓачот на Барселона, Роберт Левандовски.
Се тврди дека полскиот напаѓач, кој има 37 години, најверојатно ќе го напушти шпанскиот гигант по крајот на тековната сезона, откако го загуби своето место во почетниот состав под водство на тренерот Ханси Флик.
Во текот на летото, Левандовски веќе одби понуда од Саудиска Арабија, но со тоа што неговиот договор наскоро истекува, напаѓачот ќе мора да донесе тешка одлука. Интерес за него не недостасува – неговата ситуација внимателно ја следат врвни европски и американски клубови.
